Tisane ni icyo kunywa benshi bita icyayi gusa inyito nziza mu Kinyarwanda yaba IGISABIKO. Impamvu ni uko muri tisane nta caffeine ibonekamo, dore ko atari amajyani akoreshwa ahubwo twavuga ko ari uruvange rw’ibirungo binyuranye ushobora gukoresha ari bibisi cyangwa se ugakoresha ifu yabyo.
Mu gutegura tisane uvanga bitewe n’intego ufite dore ko uretse kuba icyokunywa wakoresha mu mwanya w’icyayi, ni n’icyokunywa wakoresha wirinda cyangwa wivura Indwara zimwe na zimwe.
Hano twaguteguriye bimwe mu birungo wakoresha ukora tisane, kandi byoroshye kubona.
1. UMUCYAYICYAYI,
2. UMWENYA,
3. TEYI (rosemary),
4. IBIBABI CYANGWA IBISHISHWA BY’INDIMU CYANGWA ICUNGA,
5. INDABO ZA HIBISCUS
6. INDABO ZA MARACUJA
7. CINNAMON
8. TANGAWIZI.
Nkuko turi buze kubibona uvanga bitewe nicyo wifuza kugeraho. Ucanira amazi akabira nuko ugashyiramo kimwe cyangwa byinshi mu byo twavuze ruguru. Ushobora kubikoresha bibisi cyangwa ugakoresha ifu yabyo ikorwa ubivunga umaze kubyanika mu gicucu ahatagera izuba kuko izuba rishobora gukamuramo zimwe mu ntungamubiri. Ya mazi rero urayayungurura ukanywa bigishyushye. Ubishatse ushyiramo isukari cyangwa ubuki.
Teyi (rosemary) ifasha umwijima n’uruhago. Ikaba ifasha kandi mu kuvura inkorora, ibicurane, na asima yoroheje. Inagufasha kuruhuka no kuruhura imikaya.
Umwenya nkuko twabibonye ufasha mu guhangana n’ibibazo by’amaraso macye, gufungana mu mazuru, ibicurane n’inkorora, unongera ubushake bwo gukora imibonano mpuzabitsina. Si ibyo gusa kuko nawo ufasha mu kunyara neza. Muri tisane kandi utuma igira icyanga cyiza.
Umucyayicyayi ukura imyanda mu mubiri. Urwanya kandi indwara zo kubyimbirwa, bikongerera umubiri wacu vitamini C. Ku bari mu mihango cyangwa bafite umuriro, uraborohereza. Unafasha kandi kugabanya umuvuduko udasanzwe w’amaraso. Iyo tisane yabyo ihoze wayikoresha mu kuvura imyate n’ibimeme, uyogeshaho. Icyayi kirimo umucyayicyayi kiba gifite impumuro nziza.
Indabo za hibiscus zizwiho kuba zikize kuri vitamini C, ku bw’ibyo zongerera ingufu ubudahangarwa zigafasha mu kurwanya cholesterol mbi no kugabanya umuvuduko udasanzwe w’amaraso. Zinasukura umubiri. Ziboneka mu mabara anyuranye, umutuku, umuhondo, umweru n’iroza. Gusa zose zikora kimwe.
Iki kirungo kiraryoha kandi kinafite akamaro kanini mu buzima. Kirwanya kubyimbirwa, kigabanya isukari mu maraso kandi kugikoresha bigabanya ibyago byo kurwara Indwara z’umutima, diyabete, kanseri n’indwara zifata imyakura.
Tangawizi izwiho kuba inkabura mu mubiri. Ifasha mu kurwanya isesemi ikanafasha mu igogorwa ry’ibiryo. Ifasha mu kurwanya rubagimpande, goute no kubabara imitsi no mu ngingo.
Ibibabi by’indimu cyangwa icunga kimwe n’ibishishwa byabyo bizwiho kongerera ubudahangarwa umubiri; gufasha igifu kugogora ibiryo neza no gutuma umuntu atagira uruda rubyimbye. Si ibyo gusa kuko binarwanya ibicurane n’inkorora bikanongera vitamini C.
Indabo za maracuja (passiflore) zifasha mu kurwanya kwiheba no kwigunga, stress ndetse zinafasha umubiri kumva uruhutse neza. Ndetse uretse kuzikoresha muri tisane ushobora no kuzishyira mu mazi yo kwicaramo uri mu mihango (aba ari akazuyazi), zoroshya kuribwa.
Ku bantu bakunda agasembuye, kunywa tisane birwanya hangover.
Gusa kuri cinnamon usabwa kutarenza garama ebyiri zayo ku munsi, kuko ibaye nyinshi yakugwa nabi. Siyo gusa kuko n’ibindi birungo ubigize byinshi byanakubihira, niyo mpamvu mu gikombe cya 250mL ushyiramo akayiko gato k’ifu ivanze niba wahisemo gukoresha ifu, naho niba wahisemo gukoresha ibikiri ibisi naho wapima ku buryo wumva icyanga ari cyiza.
Gusa ku mugore utwite ni byiza kubanza kugisha inama umuganga cyangwa impuguke mu byerekeye imirire umuri hafi ku byo yemerewe cyangwa atemerewe.
Si ibi gusa bikora tisane, ahubwo ni bimwe mu byo twaguhitiyemo kandi si ngombwa ngo byose ubivange, ahubwo ushobora kuvanga btatu muri byo, ejo ugahindura gutyo gutyo, wibanda ku kamaro bifitiye umubiri. Naho ubundi wanakoresha cloves, imbuto za roza, thym, ginseng, n’ibindi
Mu gutegura tisane uvanga bitewe n’intego ufite dore ko uretse kuba icyokunywa wakoresha mu mwanya w’icyayi, ni n’icyokunywa wakoresha wirinda cyangwa wivura Indwara zimwe na zimwe.
Hano twaguteguriye bimwe mu birungo wakoresha ukora tisane, kandi byoroshye kubona.
1. UMUCYAYICYAYI,
2. UMWENYA,
3. TEYI (rosemary),
4. IBIBABI CYANGWA IBISHISHWA BY’INDIMU CYANGWA ICUNGA,
5. INDABO ZA HIBISCUS
6. INDABO ZA MARACUJA
7. CINNAMON
8. TANGAWIZI.
Nkuko turi buze kubibona uvanga bitewe nicyo wifuza kugeraho. Ucanira amazi akabira nuko ugashyiramo kimwe cyangwa byinshi mu byo twavuze ruguru. Ushobora kubikoresha bibisi cyangwa ugakoresha ifu yabyo ikorwa ubivunga umaze kubyanika mu gicucu ahatagera izuba kuko izuba rishobora gukamuramo zimwe mu ntungamubiri. Ya mazi rero urayayungurura ukanywa bigishyushye. Ubishatse ushyiramo isukari cyangwa ubuki.
Akamaro ku buzima
1. Teyi
Teyi (rosemary) ifasha umwijima n’uruhago. Ikaba ifasha kandi mu kuvura inkorora, ibicurane, na asima yoroheje. Inagufasha kuruhuka no kuruhura imikaya.
2. Umwenya
Umwenya nkuko twabibonye ufasha mu guhangana n’ibibazo by’amaraso macye, gufungana mu mazuru, ibicurane n’inkorora, unongera ubushake bwo gukora imibonano mpuzabitsina. Si ibyo gusa kuko nawo ufasha mu kunyara neza. Muri tisane kandi utuma igira icyanga cyiza.
3. Umucyayicyayi
Umucyayicyayi ukura imyanda mu mubiri. Urwanya kandi indwara zo kubyimbirwa, bikongerera umubiri wacu vitamini C. Ku bari mu mihango cyangwa bafite umuriro, uraborohereza. Unafasha kandi kugabanya umuvuduko udasanzwe w’amaraso. Iyo tisane yabyo ihoze wayikoresha mu kuvura imyate n’ibimeme, uyogeshaho. Icyayi kirimo umucyayicyayi kiba gifite impumuro nziza.
4. Indabo za Hibiscus
Indabo za hibiscus zizwiho kuba zikize kuri vitamini C, ku bw’ibyo zongerera ingufu ubudahangarwa zigafasha mu kurwanya cholesterol mbi no kugabanya umuvuduko udasanzwe w’amaraso. Zinasukura umubiri. Ziboneka mu mabara anyuranye, umutuku, umuhondo, umweru n’iroza. Gusa zose zikora kimwe.
5. Cinnamon
Iki kirungo kiraryoha kandi kinafite akamaro kanini mu buzima. Kirwanya kubyimbirwa, kigabanya isukari mu maraso kandi kugikoresha bigabanya ibyago byo kurwara Indwara z’umutima, diyabete, kanseri n’indwara zifata imyakura.
6. Tangawizi
Tangawizi izwiho kuba inkabura mu mubiri. Ifasha mu kurwanya isesemi ikanafasha mu igogorwa ry’ibiryo. Ifasha mu kurwanya rubagimpande, goute no kubabara imitsi no mu ngingo.
7. Ibishishwa cyangwa ibibabi by’indimu n’amacunga
Ibibabi by’indimu cyangwa icunga kimwe n’ibishishwa byabyo bizwiho kongerera ubudahangarwa umubiri; gufasha igifu kugogora ibiryo neza no gutuma umuntu atagira uruda rubyimbye. Si ibyo gusa kuko binarwanya ibicurane n’inkorora bikanongera vitamini C.
8. Indabo za maracuja
Indabo za maracuja (passiflore) zifasha mu kurwanya kwiheba no kwigunga, stress ndetse zinafasha umubiri kumva uruhutse neza. Ndetse uretse kuzikoresha muri tisane ushobora no kuzishyira mu mazi yo kwicaramo uri mu mihango (aba ari akazuyazi), zoroshya kuribwa.
Dusoza
Ku bantu bakunda agasembuye, kunywa tisane birwanya hangover.
Gusa kuri cinnamon usabwa kutarenza garama ebyiri zayo ku munsi, kuko ibaye nyinshi yakugwa nabi. Siyo gusa kuko n’ibindi birungo ubigize byinshi byanakubihira, niyo mpamvu mu gikombe cya 250mL ushyiramo akayiko gato k’ifu ivanze niba wahisemo gukoresha ifu, naho niba wahisemo gukoresha ibikiri ibisi naho wapima ku buryo wumva icyanga ari cyiza.
Gusa ku mugore utwite ni byiza kubanza kugisha inama umuganga cyangwa impuguke mu byerekeye imirire umuri hafi ku byo yemerewe cyangwa atemerewe.
Si ibi gusa bikora tisane, ahubwo ni bimwe mu byo twaguhitiyemo kandi si ngombwa ngo byose ubivange, ahubwo ushobora kuvanga btatu muri byo, ejo ugahindura gutyo gutyo, wibanda ku kamaro bifitiye umubiri. Naho ubundi wanakoresha cloves, imbuto za roza, thym, ginseng, n’ibindi
Comments
Post a Comment