Kugeza ubu abantu ntibarabasha kumvikana niba amaribori ari indwara y’uruhu cyangwa ikirango cy’ubwiza.
Abavura indwara z’uruhu bemeza yuko amaribori ari uburwayi, ariko nanone ntibaragaragaza umuti nyawo uvura amaribori, aha niho bamwe mu batsimbarara ku mwimerere bavuga ko amaribori atari indwara nubwo ashobora kubangamira uyafite cyangwa rimwe na rimwe akaba yamurya bitewe n’icyokere, umwanda cyangwa indi mpamvu.
Mu muco nyarwanda amaribori afatwa nk’ikirango cy’ubwiza aho tubisanga mu ndirimbo nyinshi zinyuranye n’ibisigo nka Marebe atemba amaribori, Mariya Jani, n’izindi, ndetse ku banyarwanda umukobwa wariboye ngo aba yoroshye no mu gutera akabariro ndetse afite ibindi arusha utarariboye (ibi nta bushakashatsi bwabyemeje ariko).
Amaribori aterwa n’impamvu zinyuranye harimo akoko, kubyibuha, amavuta yangiza uruhu cyane cyane gukoresha hydroquinone cyangwa mukorogo no gukoresha steroids igihe kirekire, gutwita, n’izindi mpamvu
Aha ntabwo tugiye kuvuga niba ari meza cyangwa ari mabi ahubwo tugiye kwerekana uburyo bunyuranye wakoresha uyagabanya ku buryo atongera kugaragara. Kandi ni uburyo bw’umwimerere bikaba bitateza ikindi kibazo uruhu rwawe.
Igikakarubamba kizwiho kurwanya ibibazo binyuranye by’uruhu aho gifasha mu gusana uruhu no gutuma rugaragara neza.
Mu kubikora rero fata ikibabi cy’igikakarubamba ugikate utegeho agakombe uwo mushongi uvuyemo uwusige ahari amaribori usigiriza nk’ukora massage ubikerekereho iminota hagati ya 20 na 30.
Nyuma yaho ukarabe amazi y’akazuyazi. Aya mazi ukoresha ni ukuvanga ibikombe 2 by’amazi asanzwe n’igikombe kimwe cy’amazi ari kubira.
Aha uretse kuvura amaribori biranayarinda cyane cyane ku bagore batwite aho kuyisiga ku nda biyirinda kuzanaho amaribori.
Gusa aha ntukoresha amavuta ya cocoa butter agurwa mu masoko y’amavuta ahubwo ni cocoa butter y’umwimerere, iba imeze nk’ikimuri (amavuta y’inka)
Uyisiga nijoro ahari amaribori ukayarekeraho ijoro ryose ukoga mu gitondo amazi ashyushye
Uyu mutobe urimo vitamini A na C bizwiho gufasha uruhu kumererwa neza. Indimu ituma uruhu rusa n’urukomera naho concombre igafasha uruhu korohera bityo kubivanga bikaba umuti mwiza.
Kora umutobe wa concombre ukwayo, ukamure indimu ukwayo noneho uvange ibipimo bingana.
Urwo ruvange urusige ahari amaribori ubirekereho iminota 10.
Nyuma woge amazi ashyushye
Aha naho uvanga aya mavuta (aboneka muri za farumasi cyangwa supermarket) ku bipimo bingana noneho ugasiga ahari amaribori.
Aya kuko ari amavuta y’amazi (lotion) yo uyisiga mu mwanya w’ayandi mavuta buri munsi cyangwa ukajya uyisiga nijoro ugiye kuryama.
Benshi bayakoresha mu musatsi cyangwa mu gukora massage nyamara aya mavuta anazwiho kuba yagabanya amaribori.
Aya nayo usabwa kuyakoresha buri joro udasiba, ukayasiga ahari amaribori
Ubu buryo bwose tuvuze ntabwo buzaguha igisubizo mu minsi micye bigusaba kwihangana ugategereza kuko bitwara igihe ngo ubone umwanzuro
Kandi nanone buriya ibintu byose byo ku ruhu ntibivurwa mu munsi umwe, bisaba guhozaho no kutarambirwa.
Gusa nkuko kwirinda biruta kwivuza, hari uburyo bunyuranye wakoresha wirinda amaribori nko kwisiga amavuta y’inka ku nda mu gihe utwite, kutiyangiriza uruhu wisiga ibirwangiza (mukorogo mu moko yayo yose), n’ubundi buryo bunyuranye.
Abavura indwara z’uruhu bemeza yuko amaribori ari uburwayi, ariko nanone ntibaragaragaza umuti nyawo uvura amaribori, aha niho bamwe mu batsimbarara ku mwimerere bavuga ko amaribori atari indwara nubwo ashobora kubangamira uyafite cyangwa rimwe na rimwe akaba yamurya bitewe n’icyokere, umwanda cyangwa indi mpamvu.
Mu muco nyarwanda amaribori afatwa nk’ikirango cy’ubwiza aho tubisanga mu ndirimbo nyinshi zinyuranye n’ibisigo nka Marebe atemba amaribori, Mariya Jani, n’izindi, ndetse ku banyarwanda umukobwa wariboye ngo aba yoroshye no mu gutera akabariro ndetse afite ibindi arusha utarariboye (ibi nta bushakashatsi bwabyemeje ariko).
Amaribori aterwa n’impamvu zinyuranye harimo akoko, kubyibuha, amavuta yangiza uruhu cyane cyane gukoresha hydroquinone cyangwa mukorogo no gukoresha steroids igihe kirekire, gutwita, n’izindi mpamvu
Aha ntabwo tugiye kuvuga niba ari meza cyangwa ari mabi ahubwo tugiye kwerekana uburyo bunyuranye wakoresha uyagabanya ku buryo atongera kugaragara. Kandi ni uburyo bw’umwimerere bikaba bitateza ikindi kibazo uruhu rwawe.
Igikakarubamba
Igikakarubamba kizwiho kurwanya ibibazo binyuranye by’uruhu aho gifasha mu gusana uruhu no gutuma rugaragara neza.
Mu kubikora rero fata ikibabi cy’igikakarubamba ugikate utegeho agakombe uwo mushongi uvuyemo uwusige ahari amaribori usigiriza nk’ukora massage ubikerekereho iminota hagati ya 20 na 30.
Nyuma yaho ukarabe amazi y’akazuyazi. Aya mazi ukoresha ni ukuvanga ibikombe 2 by’amazi asanzwe n’igikombe kimwe cy’amazi ari kubira.
Cocoa butter
Aha uretse kuvura amaribori biranayarinda cyane cyane ku bagore batwite aho kuyisiga ku nda biyirinda kuzanaho amaribori.
Gusa aha ntukoresha amavuta ya cocoa butter agurwa mu masoko y’amavuta ahubwo ni cocoa butter y’umwimerere, iba imeze nk’ikimuri (amavuta y’inka)
Uyisiga nijoro ahari amaribori ukayarekeraho ijoro ryose ukoga mu gitondo amazi ashyushye
Concombre n’indimu
Uyu mutobe urimo vitamini A na C bizwiho gufasha uruhu kumererwa neza. Indimu ituma uruhu rusa n’urukomera naho concombre igafasha uruhu korohera bityo kubivanga bikaba umuti mwiza.
Kora umutobe wa concombre ukwayo, ukamure indimu ukwayo noneho uvange ibipimo bingana.
Urwo ruvange urusige ahari amaribori ubirekereho iminota 10.
Nyuma woge amazi ashyushye
Amavuta ya almond na coconut (huile d’amande douce na coconut oil)
Aha naho uvanga aya mavuta (aboneka muri za farumasi cyangwa supermarket) ku bipimo bingana noneho ugasiga ahari amaribori.
Aya kuko ari amavuta y’amazi (lotion) yo uyisiga mu mwanya w’ayandi mavuta buri munsi cyangwa ukajya uyisiga nijoro ugiye kuryama.
Amavuta y’ikibonobono (castor oil)
Benshi bayakoresha mu musatsi cyangwa mu gukora massage nyamara aya mavuta anazwiho kuba yagabanya amaribori.
Aya nayo usabwa kuyakoresha buri joro udasiba, ukayasiga ahari amaribori
DUSOZA
Ubu buryo bwose tuvuze ntabwo buzaguha igisubizo mu minsi micye bigusaba kwihangana ugategereza kuko bitwara igihe ngo ubone umwanzuro
Kandi nanone buriya ibintu byose byo ku ruhu ntibivurwa mu munsi umwe, bisaba guhozaho no kutarambirwa.
Gusa nkuko kwirinda biruta kwivuza, hari uburyo bunyuranye wakoresha wirinda amaribori nko kwisiga amavuta y’inka ku nda mu gihe utwite, kutiyangiriza uruhu wisiga ibirwangiza (mukorogo mu moko yayo yose), n’ubundi buryo bunyuranye.
Murakoze cyane kuri ubwo bujyanama muba muduhaye
ReplyDeleteUrakoze gushima Théodore
ReplyDelete