Yahise ansatira andeba mu maso maze amfata mu misaya yomb.
Nahise numva ubushagarira bunyirukanse umubiri wose nanjye nibwira icyo yaba agiye gukora.
Narahumirije nanjye maze nitegura kwakira ibigiye kumbaho.
Nagiye kumva numva akubise igitwenge, ankubita agashyi ku itama
Maurice: sha uyu siwo mwanya wabyo muvandi. Nashakaga kureba uko ubyitwaramo, none ndabibonye
Numvise ibimwaro bimfashe, isoni ziranyica nuko nihagararaho
Firdaus: oya nuko nari ngize ubwoba ko ugiye kunsoma nta kindi
Maurice: nuko ye. Ntukabeshye mwana ntubishoboye. Ngaho ngwino tugende icyayi nakimaze
Firdaus: ese waretse nkitunganya neza koko
Nahise ntunganya umusatsi uko yabinsabye, nuko njya mu cyumba mfata isakoshi nuko ndasohoka turagenda
Mu nzira tugenda nagiye mubaza ibibazo byinshi. Maurice numva mwikundira mba nshaka iteka kumucokoza
Firdaus: none se ugiye gukora iki kwa muganga?
Maurice: ni imiti ngiye ngo anyandikire nsanzwe nyifata
Firdaus: none se kuki utwaye imodoka ya mama wawe?
Maurice: iyanjye nta essance yari irimo ihagije
Firdaus: none kuki utari wayiguze se
Maurice: ubukene sha
Firdaus: none kuki ufite ubukene se
Maurice: ese warekeye aho kumbaza ibibazo by’amafuti
Firdaus: sawa sinongera.
Twagiye ducecetse ariko numva amagambo yambanye menshi
Firdaus: wankundira nkakubaza akabazo ka nyuma
Maurice: oya
Firdaus: sha mbabarira ni kamwe gusa
Maurice: ah. Ngaho kambaze
Firdaus: ese ufite umukobwa mukundana
Maurice: kuki ushaka kubimenya se
Firdaus: ntabwo mbyemerewe se?
Maurice: ntawe mfite
Firdaus: urambeshya
Maurice: rata ndamufite
Firdaus: uravugisha ukuri?
Maurice: ni ukuri pee
Firdaus: ni umwana mwiza se?
Maurice: sana. Imico ye ni myiza
Firdaus: yitwa nde se?
Maurice: wavuze ko umbaza ikibazo kimwe none bibaye bitatu
Firdaus: sha mbabarira umbwire
Maurice: oya ahubwo ntiwongere no kuvuga
Nahise mbona arakaye ndaceceka. Na we yatwaye imodoka atavuga turinda tugera kwa muganga. Ubwo twahageraga yinjiye mu isuzumiro, ntiyatindamo arasohoka tujya gufata imiti kuri farumasi
Twavuyeyo tujya kugura pizza nuko ubwo twarimo turya mbona nimero ntazi irampamagaye
Firdaus: allo
…: Ni Firdaus?
Firdaus: Yego. Ko ntakumenye se?
…: Ni Aziz
Firdaus: Aziz amakuru
Aziz: Ni meza. Wowe se bite
Firdaus: ni sawa. Wakuye he nimero yanjye se
Aziz: ni umukobwa wayimpaye ngo nguhe amakuru
Firdaus: mbwira ndakumva
Aziz: amasomo aratangira saa saba n’igice aho kuba saa munani
Firdaus: none se kuki uwo mukobwa atabinyibwiriye?
Aziz: nijye namusabye ngo areke mbe ari jye mbikubwira. Nashakaga kurakaza Calema. Wa mukobwa twari twicaranye
Firdaus: mbega wowe. Ndabyumvise. Sawa ni aha mu kanya noneho
Aziz: InshAllah
Narakupye nuko nkomeza kurya pizza yanjye bucece
Maurice: kuki yari aguhamagaye se?
Naramwihoreye. Ko yanze se kumbwira umukobwa bakundana jyewe arambaza iki?
Maurice: ese ko utansubiza
…
Maurice: sha utera umujinya weee.
…..
Maurice: yitwa Keila
Firdaus: yashakaga kumbwira ko amasomo atangira 13h30 uyu munsi
Maurice: disi uracyari umwana
Firdaus: kubera iki se?
Ese kuki Maurice amwise umwana? Ese ko ameze nk’umufuhira kandi ngo ari musaza we? Firdaus we se kuki ashaka kumenya umukunzi wa Maurice?
Biracyaza…
Comments
Post a Comment