Ishyano: Agace ka 9

Yabonye akomeje kwandika ntasubizwe nuko yigira inama yo guhamagara. Byahuriranye nuko Yvan na we yari avuye kuzana terefoni yari yaraje muri salon, akaba yari amaze guherekeza uwari yamuraje. Nuko ahita amwitaba adatindiganyije

 

Gatesi: allo cheri ko uri kundya seen kuva nijoro wandakariye?

Yvan: Oya chou sinakurakariye ahubwo agatotsi sha kantwaye ndi onlline ubu ni ho ngikanguka

Gatesi: Nagize ngo hari icyo wabaye pee. Iyo utitaba mba mpise nza kukureba

Yvan: Nubundi nushaka uze dore ndi na jyenyine irungu rimereye nabi

Gatesi: Reka nta muntu usurana mu gitondo. Naba nkabije

Yvan: Usura umukunzi ntagira isaha amusuriraho, igihe cyose ubonye akanya wamusura. Ahubwo ni karibu reka nshyireho icyayi usange gihiye

Gatesi: Yego cheri reka nkarabe nze

 

Yvan yivugisha: Sha nari nzi ko uzangora none ndabona wowe woroshye kurenza abandi bose tu. Nubundi Rosine yari asize ntashize ipfa, ubu uraje ukomereze aho agejeje. Ariko Imana irankunda rwose. Yewe burya uzagire ifaranga peee. Ubu azi ko nikokoye nkamusukisha nkagura phone kandi ari amafranga ya Kamuzinzi disi. Ariko se ubundi uyu musaza we ko adaheruka kutuvugisha aho ntitwamuryamishije ra? Kwanza ndumva dukwiye kuba tumucometse ka Sheilla niko nabonye katagoranye ubundi azabe agahugiyeho ibindi bizaza nyuma.

 

Yahise acomeka gaz ategura icyayi ariko afata akanini gatera ubushake kakanaca intege umubiri aragasya agashyira muri juice iba mu cyumba aricecekera.

 

Gatesi na we yiteguye vuba dore ko yari anifitiye ikibazo cyo gukumbura kandi burya urukundo rukiri rushya ruba rugurumana ku bantu benshi. Yarahageze ahita yinjira ntiyari agikomanga, gusa nyine yari atarinjira mu cyumba. Nuko yicara muri salon, Yvan ahita amuzanira icyayi aricara baba baganira

 

Yvan: Cherie nari ngukumbuye cyakora pee. Nashakaga kandi kugusaba imbabazi ku byabaye ubushize. Ubanza byaratewe n’agacupa

Gatesi: Cherie nta kibazo nukuri. Gusa nawe washakaga kumfatirana kandi rwose ibyo bintu simbikunda. No kugusoma ni uko nari nzi ko ntacyo bitwaye cyane, ariko kunkorera ku mabere rwose wari urengereye

Yvan: None se kuyakoraho bigutwara iki? Si umubiri nk’ahandi

Gatesi: Noneho niba ari umubiri nk’ahandi ujye ukora ku maboko. Wo se si umubiri.

Yvan: None se ibyo wambwiraga nijoro ngo bya Sheilla bimeze bite? Yagushutse iki

Gatesi: Nyine yarambwiye ngo muherekeze ahantu yari agiye kandi nabonaga ari kumwe n’abapapa bakuze. Ariko ntabwo twahatinze twahise twigendera gusa namubwiye nabi. Sinari nzi ko umuntu wiga kaminuza yasambana ngo abone amafaranga

Yvan: Uransetsa rwose nawe. None se wowe wasambana kubera iki

Gatesi: Oya sinasambana rwose ni icyaha kibi. Ubundi se ubwo, yego kooo. Nkiyamburira umusaza ngo ni uko afite amafaranga?

Yvan: Shahu rero buriya bamwe niko babayeho niho bakura ibyo ubabonana. Wagize amahirwe wibonera jyewe ugukunda, ntacyo uzabura ngifite, uramenye ntuziyandarike muri abo basaza

Gatesi: Nukuri niyemeje ko ntawe uzambonera ubwambure atari umugabo wanjye. Ntawe pee

Yvan: Ndumva mfite amahirwe rwose. None se hari undi utari jyewe?

Gatesi: Turakundana yego ariko nturaba umugabo wanjye rwose. Ariko nuba we uzasanga ko ntakwiyemeragaho. Karacyapfundikiye rwose.

Yvan: Ese ubundi uretse kuba utemera gukorwa ku mabere, ni hehe handi uzi ko iyo hakozwe ubushagarira bugufata

Gatesi: Erega ibyo sinigeze mbibamo. Sinzi rero aho ari ho buriya nzahamenya nibimbaho

Yvan: Ese ukunda film nyishyiremo cyangwa ukunda imiziki mbe ari wo nshyiramo tube tureba

Gatesi: Sha shyiramo se agasobanuye nirebere. Ni ko nkunda

Yvan: Reka sinjya ndeba film zisobanuye. Ahubwo reka nshyiremo film nazanye ejo tuyirebane.

 

Yahise yatsa screen nuko ashyiramo film yitwa “The secret sex life of a single mom”, ikinnye mu cyongereza batangira kuyireba

Uko bayireba niko yagendaga amwiyegereza, cyane ko irimo scene z’urukundo n’ibiganisha ku mibonano byinshi. Igeze hagati ni bwo Gatesi yamubwiye ko ashaka amazi, undi amubwira kujya mu cyumba akazana juice ihari bakaba ari yo banywa ho.

***************

TUGARUKE MU MUGI

 

Hari Kamali na Gashumba, ibiganiro byabo biba buri gihe biganisha ku gukora imibonano, ku bakobwa beza, mbese nta kindi baba batekereza. Ubwo aho bari banywereye hari n’amacumbi ni ho baraye nuko bahava berekeza kuri piscine. Uko baganira baje kongera kwiyemeza guhamagara Sheilla bwa nyuma ngo barebe ikivamo

 

Kamali ni we nubundi babyumvaga kimwe, yahise amuhamagara undi ahita yitaba igisona kabiri

 

Sheilla: Allo boss

Kamali: Ese Sheilla ubona koko uri kumbanira? Ni iki koko ntakoze ngo ngikore ariko nkubone neza?

Sheilla: Yewe ntacyo ahubwo nuko uhuza n’iminsi mibi cyangwa izindi gahunda. Nk’uyu munsi mfite umwanya iyo uba uri ino wari kumbona. Burya ejo rwose umvaga ntanameze neza

Kamali: Uyu munsi se ntabwo uri bwige? Cyangwa uriga amasaha macyeya?

Sheilla: Oya siniga uyu munsi rwose. Nubu nibereye mu buriri nagaramye jyenyine. Uzi ukuntu nanjye ndi kukwifuza

 

(Ibi byose yabivugaga atazi ko Kamali agihari, byari mu kumwica mu mutwe no kumwereka ko na we amushaka, ntamenye ko ari kwishyira mu kagozi)

 

Kamali na we nk’umuntu mukuru yatekereje ko uyu mukobwa ari kumukina imitwe, na we ahita amwigira andi mayeri

 

Kamali: Sha nyine nihombeye ubwo nta kundi. Ahubwo niba ufite akanya reka nkwisabire. Urabona ya hotel iri hafi y’ibitaro, hamwe haba piscine?

Sheilla: Yego ndayizi

Kamali: Hari umuntu uhari amfitiye amafranga yari ambwiye ngo nze ayampe aziko nkiri iyo, naguhuza na we ukagenda akayakumpera. Ambwiye ko ari busy atabona uko ajya kuyanshyirira kuri compte kandi rwose ntinze ashobora kwisubirira hanze ntayabonye

Sheilla: nta kibazo boss. Reka nitegure noneho nindangiza ndakubwira undangire neza

 

Yarakupye nuko ahita akoma mu ntoki za Gashumba

Gashumba: Sha umva ko bigize abanyabwenge. Aha ho nahikura araba ari umuhanga peee. Ahubwo se ko mbona hano hari abantu benshi bari koga uwaba yiyogera

Kamali: Oya ba uretse ahubwo reka muhe nimero zawe, jyewe ndaba nigendeye gato noneho naguhamagara akubwira ko ahageze, uhite umbwira nanjye nze, mbyite surprise. Urumva atari byo bizima?

Gashumba: Sha uzi imitwe rwose. Ariko se buriya ntazi ijwi ryanjye?

Kamali: umuntu wakumvise ejo gusa ntiyakumenya. Kandi se abantu ntibashobora guhuza amajwi. Ahubwo gahunda ni iyo

 

Sheilla yahise yitegura nuko amaze kwambara ahamagara Kamali undi nawe ahita amwoherereza nimero za Gashumba muri SMS. Anamubwira nimero ya compte ari buyashyireho namara kuyamuha, agakuraho agatike ka 20000. undi yumvise ayo mafaranga ahita yihuta ati burya uzakure ibyinyo witonze.

****************

TUGARUKE KWA YVAN

 

Gatesi yinjiye mu cyumba ariko atinda gusohokamo nuko Yvan amusangamo. Asanga undi ari kurangarira imitako iri mu cyumba dore ko utari kubona irangi ryo ku gikuta. Ahatari amafoto meza manini hari hatatse amashusho akoze mu bugeni meza cyane.

Yvan yinjiye amutunguye undi asa n’uwikanga, nuko Yvan ahita amuhobera amuturutse inyuma amufata mu nda ati humura cherie

Gatesi: Chr nukuri icyumba cyawe ni cyiza pee. Ngaho dusubire kureba film rero

Yvan: Reka tube tuganira ariko. Film se hari ubwo iri burangire.

Gatesi: Cheri kuganirira mu cyumba koko kandi ufite salon. Ndumva atari byiza

Yvan: Oya mama humura. Ubundi se ari salon ari icyumba byose si mu nzu? Humura ahubwo singira uturahure tube twinywera juice

 

Gatesi yafashe ibirahure nuko asukamo juice. Yvan kuko yari azi ikirimo yanyoye buhoro aratereka naho Gatesi we yahise agotomera

 

Gatesi: ahuiii. Icyayi cyari kinteye icyaka. Uziko ntajya nywa icyayi ngo mbure kurenzaho amazi. Ubu nibwo numva noneho bimeze neza

Yvan: Shahu uri mwiza weee. Ndakureba nkumva sinaguhaga. Ngusabe akantu kamwe?

Gatesi: Yego kansabe nta kibazo

Yvan: Banza umbwire niba unyizera

Gatesi: Ntakwizera sinaba naje hano cheri

Yvan: Ngaho humiriza

Gatesi yarahumirije nuko Yvan afata agakufi arakamwambika ahita amusoma ku itama

Gatesi yabumbuye amaso nuko aramuhobera amushimira undi na we aba aboneyeho nuko umunwa uba uhuye n’uwundi barasomana biratinda.

 

Yari yambaye agakanzu kagera mu mavi, byoroheye Yvan kumukorakora ku bibero, nuko buhoro buhoro aratwarwa aryama ku buriri agaramye.

 

Yvan asa n’umureka akanya gato, undi arongera arabyuka aramubwira

 

Gatesi: Cheri ndagukunda urabizi. Ariko mbabarira ntuzampemukire. Niba ubinyemereye mbwira nkubwire nanjye ikintu kimwe mbere yuko ukomeza

Yvan: Cherie ndagukunda nanjye kandi urabibona. Rwose mbwira icyo kintu mfite amatsiko n’amashyushyu.

 

*******************

DUSUBIRE KURI HOTELI

 

Sheilla yaragiye dore ko hatari na kure cyane ntiyigera yirushya atega moto nuko ageze aho binjirira ahamagara ya nimero, undi na we amuyobora atazuyaje.

 

Yarakomeje arinjira dore ko aho hantu yari ahazi, nuko aguma kuri terefoni kuko uwamuyoboraga yari yamubwiye kudakupa.

 

Amugeze iruhande atungurwa ni gusanga ari Gashumba

 

Sheilla: Gashumba none se ni wowe Kamali yantumyeho

Gashumba: yego ni jyewe. Ahubwo se ko atari yambwiye ko ari wowe ugiye kuza?

Sheilla: Buriya ni rya fuha ryanyu nyine. Uri wenyine se nicare cyangwa hari undi muri kumwe

Gashumba: arahari ariko nta cyo na we wakicara ni umugabo na we

 

Sheilla yaricaye nuko hashize akanya umuntu amuturuka inyuma amupfuka mu maso ati

SURPRISE!!!!!!!!!!!!!!!!!!!

 

 

Biracyaza….

 

Ngiyi film Yvan na Gatesi barebaga

https://www.youtube.com/watch?v=ccZEQkCgL0A